Уур амьсгалын 2023 оны үерлэсэн голууд болон хохирлын мэдээ
Усны харуул тус бүрээр үер эхэлсэн болон үргэлжилсэн хугацаа, учирсан хохирол зэргийг багтаасан байна. Үерийн хэмжээ, үргэлжлэх хугацаа нь орон зай, цаг хугацааны хувьд хувьсал ихтэй, агаар мандлын орчил урсгал, гадаргын бүрхэвчийн олон хүчин зүйлсээс хамаарна. Сүүлийн жилүүдэд Монгол орны голуудаар томоохон үергүй, бага устай байсан хэдий ч уур амьсгалын өөрчлөлт, газар бүрхэвчийн өөрчлөлттэй уялдан уруйн үерийн эрч хүч, давтамж эрс нэмэгдэн аюул авчрах болсон. Ялангуяа хүн ам ихтэй, суурьшлын бүс эмх замбараагүй хурдацтай нэмэгдэх болсон Улаанбаатар зэрэг томоохон хотуудад уруйн үер хамгийн гол гамшиг болоод байна. Тиймээс энэхүү бүтээгдэхүүн нь Үер усны аюулаас урьдчилан сэргийлэх хөтөлбөр, бодлого гаргахад шийдвэр гаргагчдын суурь мэдээлэл болно.
Хүснэгт 1. 2023 оны усны үерийн үргэлжилсэн хугацааг харуулав.
2023 онд 18 аймгийн 57 сум, нийслэлийн хэмжээнд үерийн нийт 107 удаагийн тохиолдол Онцгой байдлын байгууллагад бүртгэгдсэн байна.
Үерт 15 иргэн, 1018 гэр, байшин үерт өртөж, 5000 гаруй толгой мал хорогдож, улсын чанартай автозамын 6 байршил, төмөр замын 11 цэгт эвдрэл гарч, 3 гүүр нурсан. Үерийн өндөр эрсдэлтэй бүсэд суурьшиж байсан болон зайлшгүй шаардлагатай 284 айл өрхийг нүүлгэн шилжүүлэх арга хэмжээ авсан. Хор уршгийг арилгах, эрэн хайх аврах ажиллагаанд давхардсан тоогоор Онцгой байдлын байгууллагын 5107 алба хаагч, 803 техник хэрэгсэлтэй ажиллаж 3974 иргэний амь насыг аварч улс нийгэмд 5741.6 сая төгрөгийн хохирол учирсан байна.
Хүснэгт 2. 2023 оны усны үерт осолдсон нийт хүний тоо.